எதிர்பாரா சந்திப்புகள்

friend meet

ஒவ்வொருவருக்கும் சில நேரங்களில் நடக்கிற நிகழ்வுகளில் ஏற்படுகிற அல்லது ஏற்பட்ட சுவாராஸ்யமான சம்பவங்கள் சுவையான அனுபவங்களாக நினைவுகளில் புதைந்து கிடக்கும். அம்மாதிரியாக  சந்திப்புகளில் ஏற்பட்ட சுவாராஸ்யத்தை மட்டுமே பகிர்ந்து கொள்கிறேன். கேட்பவர்களுக்கு, படிப்பவர்களுக்கு அது சுவாராஸ்யமா என்று தெரியாது. ஆனால் அதில் உடன்பட்டவர்களுக்கு அதன் சுகம் தெரியும். இது போன்ற சில சந்திப்புகள் உலகம் ரொம்பவே சிறியது என்ற எண்ணத்தை நமக்குள் ஏற்படுத்துகிறது.
இந்த சம்பவம் நடந்த வருடம் 2000. ஒருமுறை சென்னையில் கே.கே. நகரிலுள்ள உள்ள நண்பன் அன்புவின் நண்பனான அருணாச்சலத்தைக் (நண்பனின் நண்பனைக்) காணச் சென்றேன். அவனுடைய ரூமுக்கு நடந்து சென்று கொண்டிருந்த போது, எங்கள் கிராமத்து நண்பன் கருணாநிதியைக் கண்டேன். கருணாநிதியும் நானும் பன்னிரெண்டாம் வகுப்பு வரை ஒன்றாக படித்தவர்கள். இன்ஜினியரிங் காலேஜ் படித்த போது பிரிந்து விட்டோம். கிராமத்தில் கருணாநிதியின் வீடு எங்கள் வீட்டுக்குப் பின்னாலுள்ள அடுத்த வீடே.
கருணாநிதி ஹீரோ ஹோண்டா splenderil வந்திருந்தான். எங்க போற கணேசு … (என்னுடைய அழைப்புப் பெயர்) என்றான். நான் அந்த பெருமாள்  கோவில் பக்கத்திலுள்ள நண்பன் ஒருவனைப் பார்க்கப் போறேன்னேன். அப்படியா… நானும் அந்தப் பக்கம்தான் போறேன் உன்னை இறக்கி விட்டுறேன் என்றான். ஓகேன்னு சொல்லிட்டு, என்ன பண்ணுறேன்னு கேட்டப்போ வேலைதான் தேடிக் கிட்டு இருக்கேன்னான். நானும் அதையே சொல்லிட்டு ஊருக்கு எப்ப போறேன்னு … வழக்கம் போல பேசிக்கிட்டே போனோம்.
கோவில் பக்கம் வந்ததும் நான் இறங்கிட்டேன். அப்ப அவன்கிட்டே யாரல்ல பார்க்கப் போறன்னேன். திருநெல்வேலி சைடுன்கிறதால வால…. போல…ன்னு பேசித்தான் பழக்கம். இங்க என்கூட ஒரு பையன் வடபழனி SSI ல JAVA படிச்சான். அவனும் நானும் மத்தியானம் ஒரு interview போறோம். அதான் கூப்பிட வந்தேன்னான். சரின்னு, சொல்லிட்டு நடக்க ஆரம்பிச்சேன்.
அவன் பைக் பார்க் பண்ணுன பில்டிங்ல தான் நானும் என்னோட friend ஐ பார்க்கப் போறேன்னு அவனுக்கும்  தெரியாது. எனக்கும் தெரியாது. மக்கா, இந்தப் பில்டிங் ல தான் என் friend ம் இருக்கான்னு தெரிஞ்சவுடனே சிரிச்சுகிட்டு உன் friend கிரௌண்ட் ப்ளோரா first floor- ஆன்னு  கேட்க, first floor ன்னு சொல்ல, அப்படியா எந்த ரூம்ன்னு கேட்டேன்.அந்தக் கார்னர் வீடுன்னான்.
ஏய்  மக்கா… நானும் அங்கதாம்ல போறேன். அவன் யார்ல்ல  உன் friend அங்க இருக்கான்னேன். அருணாச்சலம்ன்னு கோவில்பட்டி காரன் ஒருத்தன்  இருக்கான். அவனைத் தான் கூட்டிட்டு போலாம்னு வந்தேன்னான். அடப் பாவி ,நானும் அவங்கிட்டதான் என் friend ரூம் key வாங்கிட்டுப் போலாம்னு வந்தேன்னேன்.
ரெண்டு பேருக்கும் ஒரே ஆச்சர்யம்.  ஒரு விதமான சந்தோசம். ஒரே ஆளைப் பார்க்க ஒரே ஊர்க்காரனுக ரெண்டு பேர் யாரைப் பார்க்கப் போறோம்னு தெரியாம, அதுவும் அந்த அருணாச்சலம் ஒன்னும் எங்க ரெண்டு பேருக்கும் சென்னைக்கு வந்து கடந்த ஆறு மாசமாத் தான் தெரியும். அருணாச்சலமும் என்னோட நண்பன் அன்புவும் கோவில்பட்டியில பன்னிரெண்டாம் வகுப்பு வரை ஒண்ணா படிச்சவங்க… அன்புவும் நானும் engineering காலேஜ் ல ஒண்ணா படிச்சோம். சென்னைக்கு வந்த பிறகு அன்புவின் மூலமாகத்தான்  எனக்கு அருணாச்சலத்தைத் தெரியும். அன்னைக்கு ரூம்ல உள்ளவர்களிடம் சொல்ல எல்லாருக்கும் ஒரே ஆச்சர்யம்தான்!!.
friend meet 1
இன்னொரு சம்பவம் நடந்த வருடம் 2006. சவுதியில் நான் ரியாத்தில் வசித்து வருகிறேன். என்னுடன் பழைய கம்பெனியில் பணியாற்றிய நண்பன் ஹரிஹரன் கோபாரில் வேலை பார்த்து வந்தான். ஒருநாள் call பண்ணி, நாளைக்கு ரியாத் வர்றேண்டா… பார்க்கலாமா என்றான். சரிடா… ட்ரை பண்றேன். இங்க உள்ள சவுதி எலேக்ட்ரிசிடிக்கு உரிய substation ல witness activity போய்க்கிட்டு இருக்குடா, மூணு மணிக்கெல்லாம் போயிடுவாங்க . அதனால பார்க்கலாம். நீ எத்தனை மணி வரைக்கும் இருப்பேன்னப்போ எனக்கும் sec ல தான் வேலை. நானும்  மூணு மணி போல கோபாருக்கு கிளம்புவேன். எந்த substation ன்னு தெரியுமான்னு கேட்டப்போ, நாளைக்கு டேச்னிசியன் கூடப் போய் பார்த்தாத் தான் தெரியும்ன்னான். முடிஞ்சா பார்ப்போம்னான். சரின்னு சொல்லிட்டு போனை வச்சாச்சு.
மறுநாள் காலையில் SEC ல witness activity க்கு ரெடி பண்ணுற அவசரத்தில் அவனுக்குக் call பண்ணல. testing போய்க்கிட்டு இருந்தப்போ மேலேயும் கீழேயும் போய் current வருதான்னு பார்க்கணும். அப்படி first floor போனப்போ அங்க ஒரு நண்பனை சந்தித்தேன். அவன் பெயர் ஜேம்ஸ். அவனை 2002 ல் சட்டிஸ்கர் மாநிலம் கோர்பா (KORBA ) என்ற ஊரில் உள்ள Power Plant ஒன்றில் ஒன்றாகப் பணிபுரிந்தோம். அப்போது பார்த்தது. அவன் வேற கம்பெனி. நான் வேற கம்பெனி. அவன்கிட்ட பேசிட்டு திருப்பியும் witness காண்பிப்பதில் குறியானேன்.
10:00 மணிக்கு tea break டைம் ல ஹரிக்கு call பண்ணினேன். மக்கா… ரியாத்ல எங்கடா இருக்கேன்னேன். இங்க dirayah ன்னு ஒரு இடத்திலுள்ள substation ல இருக்கேன்னான். எந்த substation டா, நானும் அந்த ஏரியாவுல தான் இருக்கேன்னேன். 8097S / S ல இருக்கேன்னான். டேய் விளையாடாதே,,, நான் அங்கதான் இருக்கேன். நீ இங்க எங்கடா இருக்கே, எனக்குத் தெரியாம… ன்னேன்.
Scada  ரூம்லதான் என்றான். ரெண்டு மணி நேரமா current measure பண்ண போன first floor ல நான் test பண்ணுன ரூமுக்கு பக்கத்து ரூம் தான் scada room.  அந்த ரூம் door automatic கா close ஆகிக் கிடக்கிற door ங்கிறதால தெரியவே இல்ல. அப்புறம் அங்கேயே அவனைப் பார்த்தேன்.
இன்னொரு நண்பன் திருக்குமரன். ஜேம்சோட கம்பெனிதான். அவனும் நானும் கோர்பா வில் ஏழு மாதம் ஒண்ணா பணியாற்றினோம். பிறகு  ஒன்றரை வருடம் கழித்து துபாய்க்கு சென்றேன். நான் போன ஒரு வாரத்தில் ரெண்டு பேரும் ஒரே  கம்பெனிக்கு visit visa வில் பணியாற்ற வந்ததைப் பார்த்தபோது மகிழ்ச்சி. அங்க ஒரு ஆறு மாசம் ஒண்ணா வேலை செய்தோம். திரும்பியும் பிரிந்தோம். 2006 ல் சவுதியில் நான் இப்போது பணியாற்றுகிற அதே கம்பெனிக்கு visit விசாவில் வந்தான். என்னுடைய பாஸ் அவனை நான் testing செய்து கொண்டிருந்த யான்பு என்ற ஊருக்கு அனுப்பி வைத்தார். ரெண்டு பேருக்கும் ஒரே ஆச்சர்யம். அங்க ஒரு 5 மாதங்கள் என்னுடன் இருந்தான். பின்னர் கத்தார் போய் விட்டான். இப்ப திருப்பியும் சவுதிக்கு இன்னொரு கம்பெனிக்கு வந்த போது பார்த்தோம். உலகம் ரொம்பவே சிறியது. நமக்குத் தெரிந்த மனிதர்களை ஏதோ ஒரு சூழ்நிலையில் வெவ்வேறு நாடுகளில் வெவ்வேறு ஊர்களில் கண்ட அனுபவங்கள் இன்னும் நிறைய உள்ளன. முடிந்தால் பகிர்கிறேன்.

மஷ்ரூம் சூப்

mushroom soup

மஷ்ரூம் – 200 கிராம்
சின்ன வெங்காயம் – 6 அல்லது 7
பூண்டு – 6  அல்லது 7
உருளைக் கிழங்கு – 1
பல் – 1 கப்
மிளகுத் தூள் – 1 டீ ஸ்பூன்
உப்பு – சிறிது
mushroom 2
செய்முறை
மஷ்ரூம்,சின்ன வெங்காயம், பூண்டு, உருளை குக்கரில் வைத்து 3 விசில் விடவும்.
மஷ்ரூம் ஆறிய பிறகு மிக்சியில் நன்கு அரைக்கவும்.
mushroom 3
அரைத்த கலவையுடன் சிறிது  அளவு சூடான தண்ணீர் விட்டு நீட்டிக்கொள்ளவும்.
இந்த கலவையுடன் 1 கப் காய்ச்சிய பால் விட்டு மிளகுத் தூள் நன்கு கொதிக்க விடவும்.
mushroom 5
பிறகு சிறுது உப்பு சேர்த்து கொதிக்க விடவும்.
mushroom 6
சுவையான சூடான மஷ்ரூம் சூப் தயார்.

தனி ஈழம் அமைத்திடுவோம்….

eelam

 

தனி ஈழம் அமைத்திடுவோம்….

நாம் வெற்றி பெறுவோம்

வெட்டி அரசியலும்

வெற்று அரசியலும்

செய்யாமலிருந்தால்…..

நாம் வெற்றி பெறுவோம்

அழிந்தது நம் இனம்

எனும் ஈரமும் கோபமும்

நம்முள் இருந்தால்….

நாம் வெற்றி பெறுவோம்

கண்ணிலிருந்து நீர்

வழிந்ததாலல்ல …

இதயத்தில் இருந்து

குருதி கொட்டியதால்….

நாம் வெற்றி பெறுவோம்

கனவு காண்பதால் மட்டுமல்ல

கனவுகளை நனவாக்கும்

நம் செயல்களால்!!

நாம் வெற்றி பெறுவோம்

ஒற்றைச் சிந்தனைகளால்!

ஒன்றுபட்ட அரசியல் செய்தால்!

தமிழால் ஒன்று கூடுவோம் …

உலகத் தமிழரகளை

ஓரணியில் கொணர்வோம்…

ஒற்றை நாடைப் பெற்றிடுவோம்

தன்னலமில்லாமல்

தனி ஈழம் அமைத்திடுவோம்….

புதிய உலகமயமாக்கம் : யார் பலன் பெறுகிறார்கள் ?

நான் எழுதிய ” புதிய உலகமயமாக்கம் : யார் பலன் பெறுகிறார்கள் ? ” என்ற கட்டுரை கிழக்குப் பதிப்பகத்தின் தமிழ் பேப்பர் இணைய இதழில் (12/03/2013) இன்று  வெளிவந்துள்ளது. இக்கட்டுரை யை வெளியிட்ட  ஆசிரியர் திரு மருதன் அவர்களுக்கும் திரு பத்ரி சேஷாத்ரி அவர்களுக்கும் எனது நன்றிகள்.

தெளிவான Font ல் படிக்க விரும்புபவர்கள் தமிழ்  பேப்பரில் படிக்கவும். பிணை :

http://www.tamilpaper.net/?p=7533

globalisation

200 ஆண்டுகளுக்கு முன்பாக, ஐரோப்பாவுக்கும் ஐக்கிய அமெரிக்காவுக்கும் தொழிற்புரட்சியை மேம்படுத்துவதும் மனிதத்தன்மையை ஏற்படுத்துவதும்தான் மிகப் பெரிய சவாலாக இருந்தது. 150 ஆண்டுகளுக்கு முன்பாக, தொழிற்சாலைகள் மிகுந்த நகரங்களில் அதிக எண்ணிக்கையில் குடி பெயர்ந்த மக்களுக்கு பாதுகாப்பையும், நகரங்களில் வாழ்வதற்கேற்ற சூழலை ஏற்படுத்துவதும் சவாலாக இருந்தது. 75 ஆண்டுகளுக்கு முன்பாக, மக்களுக்கு ஏற்பட்ட மன அழுத்தத்தைப் போக்குவதே சவாலாக இருந்தது. ஆனால் இன்று உலகம் எதிர் கொள்கிற மிகப் பெரிய சவால், புதிய உலகமயமாதல்தான் என்கிறார் The Price of Civilisation நூலாசிரியர் ஜெஃப்ரி சாக்ஸ் (Jeffrey Sachs).

உலகமயமாதல் எளிதாக சாத்தியமானதற்கு என்ன காரணங்கள்?  உலகமயமாதலை அமெரிக்கா சரியாக எதிர் கொண்டுள்ளதா? மேலும், இப்புதிய உலகமயமாதலால் பலனடையும் நாடுகள் எவை? உலகமயமாதலின் தாக்கத்தால் ஏற்படப் போகும் உலக அரசியல் மாற்றங்கள் என்னவாக இருக்கும்? எம்மாதிரியான சமூகம் இதனால் பலன் பெறுகிறது? புதிய உலகமயமாதல் ஏற்படுத்திய தாக்கத்தால் ஏற்படும் விளைவுகள் என்ன? அமெரிக்கா இனிவரும் காலங்களில் உலகமயமாதலை எவ்வாறு எதிர் கொள்ள வேண்டும்? இது போன்ற கேள்விகளை இந்தப் புத்தகம் எதிர்கொள்கிறது.
அதென்ன புதிய உலகமயமாக்கல்?
வணிகம், முதலீடு மற்றும் உற்பத்தி கூடங்கள் ஆகியவற்றின் மூலமாக உலகம் இணைக்கப்பட்டிருப்பதற்கு புதிய உலகமயமாதலின் தாக்கம்தான் காரணம். உலகமயமாதல் என்பது ஏதோ கடந்த 40 வருடங்களில் ஏற்பட்டதல்ல. கடந்த 2000 ஆண்டுகளாக பண்டமாற்று முறைகளும் வணிகமும் நடந்தேறி உள்ளன. சீனாவிலிருந்து பட்டு ஐரோப்பியப் பேரரசுகளுக்கு ஏற்றுமதியாகியுள்ளதும் அதற்கு மாற்றாக சீனா தங்கத்தைப் பெற்றுள்ளது என்பதும் வரலாறு. 15ஆம் நூற்றாண்டில் கிறிஸ்டோபர் கொலம்பஸ், வாஸ்கோடகாமா ஆகிய இருவரும் உலகத்தின் அனைத்துப் பகுதிகளையும் வணிகத்துக்கு அதாவது கடல் வழி வணிகம் செய்ய பாதை அமைத்துத் தந்தார்கள். ஐரோப்பா, ஆசியா மற்றும் அமெரிக்கா மூன்றுக்குமான கடல் வழி இணைப்புகளை கண்டறிந்தவர்கள் இவர்களே.
உலகமயமாதலின் டிஜிட்டல் காலம்தான் புதிய உலக மயமாதல் என்கிறார் ஜெஃப்ரி. தொழில் நுட்ப த்தின் துணை கொண்டும் , பொருளாதார இணைப்புகள் மூலமும் ஏற்பட்ட மாற்றங்களே புதிய உலகமயமாதலுக்கான அடிகோல். உலகப் பொருளாதாரம் முன்பைவிட இப்போது அதிக அளவிற்கு இணைக்கப்பட்டிருப்பதற்குக் காரணம், உலக அளவில் குறைந்த செலவில்  விமானத்தின் மூலமும், கப்பல் சேவையின் மூலமும் பொருட்களை ஏற்றுமதி/இறக்குமதி  செய்ய முடிகிறது. மேலும், வணிகம் சார்ந்த அத்தனை விடயங்களையும் கணினியில் சேமித்து வைப்பதும், செய்முறை விளக்கங்களை இணையம் மற்றும் கைபேசிகள் மூலமாகவோ,  நேரடியாகவோ, Online மூலமாகவோ இன்று எளிதாகப் பெற இயலுகிறது.
1950களில் பொருட்களை உற்பத்தி செய்யும் பெரும்பாலான நிறுவனங்கள், தொழிற்சாலைகள் போன்றவை  ஐரோப்பா, அமெரிக்கா மற்றும் ஜப்பானில்தான்  இருந்தன. இந்த நாடுகள்  உற்பத்திக்குத் தேவையான உதிரி பாகங்களை மட்டும் மற்ற நாடுகளிலிருந்து ஏற்றுமதி செய்து கொண்டன. ஆனால், புதிய உலகமயமாதலுக்குப் பிறகு உற்பத்தி செய்யும் நிறுவனங்கள், தொழிற்சாலைகள் ஆகியவை உலகின் அனைத்து நாடுகளிலும் குறிப்பாக சீனா, இந்தியா மற்றும் வளரும் நாடுகளில் அமைந்துள்ளன. பன்னாட்டு நிறுவனங்கள், இந்த வளரும் நாடுகளில் பொருட்களை தயாரித்தல் அல்லது assembly என தொழிற்சாலைகளை நிறுவியுள்ளன.
குறிப்பாக மின்னியல் துறையென எடுத்துக் கொண்டால் Schneider Electric , ABB, Alstom, Siemens போன்ற ஐரோப்பிய பன்னாட்டு நிறுவனங்களும், GE, Exxon Mobil, Wall mart, Mc donalds, Ford Motor company, IBM என்று பல அமெரிக்க பன்னாட்டு நிறுவனங்களும், ஜப்பானின் பன்னாட்டு நிறுவனங்களான  Toyota , Mitsubishi, Hitachi ஆகியவையும் உலகின் பெரும்பாலான நாடுகளில் தங்கள் தொழிற்சாலைகளை அமைத்துள்ளன.
புதிய உலகமயமாதலின் விளைவாக பன்னாட்டு நிறுவனங்கள் அதிக வணிகத்தையும் அதிக லாபத்தையும் அடைந்தன. உதாரணமாக, GE நிறுவனம் 1,33, 000 பணியாளர்களை அமெரிக்காவில் கொண்டிருந்தது. ஆனால் மற்ற 60 நாடுகளில் அந்நிறுவனத்தின்மூலம் பணி செய்தவர்களின் எண்ணிக்கை 1,54,000 ஆகும். அந்த ஆண்டில் GE நிறுவனம் அமெரிக்காவில் 75 பில்லியன் டாலர்களுக்கு வணிகம் செய்ததென்றால் மற்ற நாடுகளில் 83  பில்லியன் டாலர்களுக்கும் மேலாக வணிகம் செய்துள்ளது குறிப்பிடத்தக்கது என்கிறார் ஜெஃப்ரி. மேலும் புதிய உலகமயமாதலுக்கு முன்பாக, 1960ல் 5 % மட்டுமே லாபமீட்டிய பன்னாட்டு நிறுவனங்கள் இன்று 25 % அளவிற்கு லாபமீட்டுகின்றன.
தகவல் தொழில் நுட்பத்தின் வளர்ச்சி, போக்குவரத்து தொழில் நுட்ப வளர்ச்சி, இணைய வளர்ச்சி மற்றும் உலக அரசியல் மாற்றங்களின் வாயிலாகவே புதிய உலகமயமாதல் பரவலாகியுள்ளது.  ஐரோப்பிய காலனியாதிக்கத்திலிருந்தும், இரண்டாம் உலகப் போருக்குப் பின்னரும்தான் பல நாடுகள் சுதந்தரமடைந்தன. அதன் பிறகே பல நாடுகள் பொருளாதார வளர்ச்சியை நோக்கிப் பயணம் செய்தன. 1960ன் தொடக்கத்தில் ஆசிய நாடுகளான வட கொரியா, தைவான், ஹாங் காங் போன்றவை உலகச் சந்தை வணிகத்தில் ஈடுபட ஆரம்பித்தன. அதாவது, அந்நிய முதலீட்டை தொழிற்சாலைகளில் குறிப்பாக ஏற்றுமதி செய்கிற பொருள் சார்ந்த வணிகம் செய்ய அமெரிக்கா, ஐரோப்பா மற்றும் ஜப்பான் போன்ற நாடுகளை சிவப்புக் கம்பளம் விரித்து வரவேற்றன.
1978 ல் சீனா உலகமயமாதலைத் திறந்துவிட்டிருந்தது. அதன் மூலம் நிதி, உலக வணிகம், அந்நிய முதலீடு என தங்கள் தேசத்தை புதிய பொருளாதாரக் கொள்கை என்றழைத்துக் கொண்டு வரவேற்றது. அதே வழியை  இந்தியா 1991 ல் பின்பற்ற ஆரம்பித்தது. இப்போது உலகின் அனைத்து நாடுகளும் வணிகம் , நிதி மற்றும் (பொருள்) உற்பத்தி என உலகமயமாதலின் மூலம் பிணைக்கப்பட்டுள்ளன.
புதிய உலகமயமாதலால் ஐக்கிய அமெரிக்க நாடுகள், ஐரோப்பா மற்றும் ஜப்பான் ஆகிய நாடுகளைக் காட்டிலும் சீனா, இந்தியா, பிரேசில் மற்றும் வளரும் நாடுகள் அதிகம் பலனடைகின்றன என்கிறார் ஜெஃப்ரி. சீனா, இந்தியா போன்ற நாடுகள் இதன் மூலம் அதிக பொருளாதார வளர்ச்சியை அடைகின்றன. ஐரோப்பா, அமெரிக்கா மற்றும் ஜப்பான் மட்டுமே பொருட்கள் உற்பத்தியையும் (Goods ), சேவையையும் (Services)  ஒரு காலத்தில் அளித்து வந்தன. ஆனால் இன்று வளரும் நாடுகளில் பொருள் உற்பத்தியையும் சேவைகளையும் செய்யும் அனைத்து வசதிகளும் வந்து விட்டன. மேலும் உற்பத்தி செய்த பொருட்களை High Income Economies மூலம் ஏற்றுமதி செய்து அதிக பொருளாதார வளர்ச்சியை இந்தியா, பிரேசில் போன்ற நாடுகள் பெறுகின்றன.
புதிய உலகமயமாக்குதலால் உற்பத்தி, சேவை ஆகிய  இரண்டும்  குறைந்த சம்பளத்திற்குத் தொழிலாளிகள் கிடைக்கும் நாடுகளுக்கும், பொருள் தேவையிருக்கும் நாடுகளுக்கும் அனைத்து உற்பத்தி நிறுவனங்கள், பன்னாட்டு நிறுவனங்கள் மற்றும் தொழிற்சாலைகள் இடம் பெயர்ந்ததால் அமெரிக்காவில் அதிக வேலை வாய்ப்பின்மையும் வருமானமும் குறைந்துள்ளன என்கிறார் ஜெஃப்ரி சாக்ஸ்.
1998-2009 காலகட்டத்தில், அமெரிக்காவில்  2 லட்சம் பேருக்கு வேலை வாய்ப்பின்மை ஏற்பட்டது. டிசம்பர் 2010 ஆம் ஆண்டின் கணக்கின் படி, 19.3 % பேர் வேலை வாய்ப்பின்றியோ, அல்லது பகுதி நேரப் பணி மட்டுமே செய்வதாக ஆய்வுகள் தெரிவிக்கின்றன. மேலும் கடந்த 20 ஆண்டுகளுக்கு முன்பாக 8.3 % பேர் வேலை வாய்ப்பின்றி இருந்தனர். இன்று அது இரு மடங்கிற்கும் மேலாக சென்றதற்கு முக்கியக் காரணம் புதிய உலகமயமாக்கலே.
புதிய உலகமயமாதலுக்குப் பிறகு அமெரிக்காவில் GDP விகிதாச்சாரம் குறைந்துள்ளது. சேமிப்பு பழக்கம் அறவே இல்லாமல் போனது. பொருட்களை வாங்கி குவிக்கும் நுகர்வுக் கலாசாரத்திற்கு மக்கள் தள்ளப்பட்டார்கள். ஊதியம் கொடுப்பதில் எந்த முன்னேற்றமும் இல்லை. எனவே, வேலை வாய்ப்பின்மை பெருகியுள்ளது என்கிறார் நூலாசிரியர்.
1900 – 1998  காலத்தில் உற்பத்தி நிறுவனங்களில் 17.2 மில்லியன் பணியாளர்கள் இருந்தார்கள். அந்த எண்ணிக்கையில் 1998 – 2004 காலத்தில் உற்பத்தி நிறுவனங்களில் 3.2 மில்லியன் பணியாளர்களுக்கு வேலையின்மை ஏற்பட்டுள்ளது. இதற்கு முக்கியக் காரணம், பெரும்பாலான உற்பத்தி நிறுவனங்கள் சீனாவிலும் இந்தியாவிலும் உள்ளன. அமெரிக்காவில் உற்பத்தி செய்வதற்குப் பதிலாக, உற்பத்தி செய்யப்பட்ட பொருட்களை இறக்குமதி செய்து அதிக லாபம் பார்க்கின்றன பன்னாட்டு நிறுவனங்கள்.
2009ம் ஆண்டில், சீனா அமெரிக்காவிற்கு 296 பில்லியன் டாலருக்கு பொருட்களை ஏற்றுமதி செய்துள்ளது. அதாவது அமெரிக்கா 2.1 % GDP அளவிற்கு பொருட்களை ஏற்றுமதி செய்துள்ளது. உற்பத்தி நிறுவனங்களில் 19% அமெரிக்காவைக் காட்டிலும் அதிகமாக உள்ளதாகவும் ஆய்வுகள் தெரிவிக்கின்றன. குறிப்பாக கணினி, தகவல் தொழில்நுட்ப சாதனங்கள், தொலைக்காட்சி, எலக்ட்ரானிக் பொருட்கள், பொம்மைகள், விளையாட்டுப் பொருட்கள், செருப்புகள், ஆடைகள் மற்றும் மர வகையிலான உற்பத்திப் பொருட்களை,  அதிகமாக சீனாவே ஏற்றுமதி செய்து வருகிறது.
புதிய உலகமயமாதலுக்குப் பிறகு சீனாவின் வளர்ச்சி அபரிமிதமானது. அது வெறும் பொருளாதார வளர்ச்சி மட்டுமல்ல. உலக அரசியலிலும் மிகப் பெரிய வளர்ச்சியை சீனா அடைந்துள்ளது. 2010 ஆம் ஆண்டின் கணக்கின்படி, சீனா ஜப்பானைக் காட்டிலும் முன்னேறி உலகின் இரண்டாவது மிகப் பெரிய பொருளாதார வளர்ச்சி பெற்ற நாடாக விளங்குகிறது. பொருட்களை விற்பதில் ( purchasing power) சீனா ஜப்பானை 2001 லேயே சமன் செய்து விட்டது.  2020ல் சீனா அமெரிக்காவைக் காட்டிலும் பொருளாதார வளர்ச்சியில் விஞ்சி விடும் என ஜெஃப்ரி தெரிவிக்கிறார். உலக அரசியல் மாற்றங்களிலும் அனைத்து நாடுகளும் அமெரிக்காவைக் காட்டிலும் சீனாவுடன் உறவு கொள்வதையே விரும்பும். சீனா மிகப் பெரிய அரசியல் சக்தியாக 2020 ல் விளங்கும் என்றும் குறிப்பிடுகிறார்.
உண்மையைச் சொல்லப் போனால் 200 ஆண்டுகளாக அட்லாண்டிக் பகுதி செய்த அரசியல் அதிகாரங்கள், பசிபிக் மற்றும் இந்தியப் பெருங்கடல் பகுதிக்கு இனி மாறிவிடும். உலகிலேயே அதிகமாக ஆயில், தாமிரம், நிலக்கரி மற்றும் சோயா பீன்ஸ் இறக்குமதியில் அமெரிக்காவைக் காட்டிலும் சீனா முன்னணியில் உள்ளது. ஆகையால் அதிக அளவில் பச்சை வாயுக்களை (Greenhouse gases) வெளியிடுவதிலும், அதிக மாசு ஏற்படுத்துதலிலும் சீனா மோசமாகி வருகிறது.
குறிப்பாக பொருள் உற்பத்தி மட்டுமல்லாமல், நுகர்வோர் வாங்குகிற பொருட்களுக்கான விலையில் சீனாவோடு அமெரிக்கா போட்டியிட இயலாது தவிக்கிறது. பொருட்களின் தரம் அதிகமென அமெரிக்கா சொல்லிக் கொண்டாலும், மிகப் பெரிய சமூகத்தின் தேவையென்பது குறைந்த விலையிலான பொருட்களை வாங்குகிற சக்தியாகவே இருக்கிறது. அவ்வகையில் பெரும் சமூகத்தின் தேவையை சீனாவில்  உற்பத்தி செய்யப்பட்ட பொருட்கள் பூர்த்தி செய்வதால் அமெரிக்காவைக் காட்டிலும் சீனா வேகமாக முன்னேறி செல்கிறது.
நீண்ட கால அடிப்படையில் புதிய உலகமயமாதல் கொள்கையால் எந்தெந்த அதிக நாடுகளுக்கு லாபம்? அமெரிக்காவைக் காட்டிலும் சீனா, இந்தியா, பிரேசில் மற்றும் சில வளரும் நாடுகளுக்குத்தான் அதிக லாபம். இந்த நாடுகள் வணிகம், முதலீடு, அதிக மக்களுக்கு வேலை வாய்ப்பு மற்றும் அதிக வருவாய் என தங்கள் தேவையைப் பூர்த்தி செய்ய புதிய உலகமயமாதல் பெருமளவு உதவுகிறது.
புதிய உலகமயமாதலால் பலனடையப் போவது யார்?
வளரும் நாடுகள் புதிய உலகமயமாதலால் பலனடைய மூன்று காரணங்களை முன்வைக்கிறார் ஜெஃப்ரி.
  1. Convergence Effect : பொருட்களைத் தயாரிப்பது, உற்பத்தி செய்வது போன்றவை  உலகின் எல்லா நாடுகளிலும் அமையலாம் என்றான பிறகே இந்தியா , சீனா போன்ற நாடுகள் பெருமளவு லாபமடைய ஆரம்பித்தன. குறிப்பாக சீனாவின் அந்நிய முதலீட்டுக் கொள்கை  என்பது எந்த நிறுவனமாக இருந்தாலும் அதன் உற்பத்தியில் தங்கள் பங்கென்பது (Joint Venture Partner in technology) தொழில்நுட்பத்திலும் இருக்கும் என அமைத்துக் கொண்டுள்ளது. இதனால் குறுகிய காலத்தில் வெளிநாட்டுப் பொருட்களை பற்றிய அறிவை வளர்த்துக் கொண்டு , அதற்கு இணையாக புதுமையான முறையில் பொருட்களின் உற்பத்தியை சீனாவே செய்து வருகிறது.
  2. Labour Effect : தாராளமயமாக்கலுக்குப் பிறகுதான் சீனாவும் இந்தியாவும் அதிக அளவுக்குப் பயனடைந்து வருகின்றன. உலகின் பல நாடுகளும் தங்களின் பொருள் உற்பத்திக்கும், சேவைக்கும் குறைந்த சம்பளத்திற்கு பணியாட்களை நியமித்துக்கொண்டன. ஆகையால் பெருமளவிற்கு இந்தியா, சீனாவிலிருந்து பணியாட்கள் பல்வேறு நாடுகளுக்கு அழைத்து வரப்பட்டார்கள். அதிகம் கற்க வேண்டிய தேவை இந்தியா, சீனா போன்ற நாடுகளுக்கு ஏற்பட்டது. அதில் அவர்கள் ஓரளவு வெற்றியும் கண்டார்கள்.  உதாரணமாக, அமெரிக்காவில் உள்ள ஒருவருக்கு தர வேண்டிய நியாயமான சம்பளத்தில் மூன்றில் ஒரு பகுதியையோ அதை விடக் குறைவாகவோ இந்தியா, சீனாவிலிருந்து வரவழைக்கப்பட்டவர்களுக்குக் கொடுத்தால் போதுமென்ற சித்தாந்தத்தை பன்னாட்டு நிறுவனங்கள் கடைப்பிடிக்க ஆரம்பித்தன. இதன் காரணமாகவே வேலைவாய்ப்பின்மை அமெரிக்கா, ஐரோப்பாவில் பெருகி உள்ளது.
  3. Mobility Effect : தங்கள் நாட்டுக்கு வேலைக்கு பணியாளர்களை வரவழைத்து உற்பத்தி செய்வதைக் காட்டிலும் முதலீட்டை அந்தந்த நாடுகளில் செய்வது என்பதாக உலகமயமாதல் மாறிப் போனதும் காரணம். அதாவது எந்த நாட்டில் முதலீடு செய்கிறார்களோ அந்த நாட்டின் மக்களைக் கொண்டே தங்கள் உற்பத்தியைக் குறைந்த செலவில் செய்து, ஏற்றுமதி செய்து  அதிக லாபத்திற்கு பொருட்களை விற்பது வழக்கமானது. இதைத் தான் Internationally Mobile Capital and Immobile Labour என தனது நூலில் வர்ணிக்கிறார் ஜெஃப்ரி.
இதை பன்னாட்டு நிறுவனங்கள் செய்வதற்குக் காரணம் நிறைய வரி விலக்கு ரத்து, எளிதான முறையில் பொருட்களை நுகர்வோருக்கு கிடைக்கச் செய்வது, குறைந்த விலைக்குப் பொருட்களை உள்நாட்டு வரிவிலக்கின்றி விற்க இயலும் என சொல்லி அரசுகளிடம் அனுமதி வாங்கி கொள்ளை லாபமீட்டுகின்றன.
ஒவ்வொரு நாடும் இந்தப் போட்டியில் வரிவிலக்கு, பல சலுகைகள் என பன்னாட்டு நிறுவனங்களுக்கு வழங்குவதால் அனைத்து நாடுகளும் கடும் பொருளாதாரப் பிரச்னைகளை எதிர்கொள்ளும் என்கிறார். மேலும்  Internationally Immobile Labour தான் அதிக பாதிப்புக்கு (பல வரிகளுக்கு) உள்ளாவார்கள் எனவும் கருத்துத் தெரிவிக்கிறார் ஜெஃப்ரி.
மேற்கூறிய மூன்று விடயங்களின் வாயிலாக நிச்சயமாக சீனா, இந்தியா மற்றும் சில வளரும் நாடுகள்தான் அதிக வெற்றியடையும்.  அமெரிக்கா, ஐரோப்பா மற்றும் ஜப்பான் ஆகிய நாடுகளின் முதலீட்டாளர்களே அதிக லாபம் அடைகிறார்கள். ஆனால் ஒப்பீட்டளவில் வளரும் நாடுகளே அதிக பலனை அறுவடை செய்யும். பல புதுமைகளை கொண்டு வருவதிலும் தரமான தொழில்நுட்ப கண்டுபிடிப்புக்களைக் கொண்டிருப்பதால் அமெரிக்கா அதிக பலனடைகிறது. உதாரணமாக Microsoft , Google, Facebook , Amazon , Apple என தொழில்நுட்ப புதுமைகளைப் படைப்பதே அமெரிக்காவின் பொருளாதார வெற்றிக்கு முக்கியக் காரணம்.
அமெரிக்க நிறுவனங்களில் பெரும்பாலான மென்பொருள் நிறுவனங்கள் இந்தியா, சீனாவில் அமைந்துள்ளதே தங்கள் நாட்டின் வேலை வாய்ப்பின்மைக்கு முக்கியக் காரணம் என்கிறார்.
வருவாயில் நடுநிலையின்மை:
அதிக திறமை கொண்டவர்கள் (அதிகக் கல்வி) அதிக ஊதியம் பெறுவதும் , குறைவான திறமையானவர்கள் (குறைந்த கல்வியறிவு) குறைவான ஊதியம் பெறுவதும் மிகப் பெரிய நடுநிலையின்மையை ஏற்படுத்தி உள்ளது. தொழில்நுட்ப அறிவைப் பெற்றவர்களே இந்தப் போட்டியில் தங்களை எளிதாக நிலைநிறுத்த முடிகிறது. கடந்த 50 ஆண்டுகளுக்கு முன்பு அமெரிக்கத் தொழிலாளர்கள் அதிகமாக போட்டியை எதிர்கொள்ளவேண்டிய அவசியமில்லாமல் இருந்தது. இன்று கல்வியறிவை வளரும் நாடுகளைச் சேர்ந்தவர்கள் பெற்றுள்ளதால் பலத்த போட்டியை எதிர்கொள்ள வேண்டியுள்ளது. இன்று வெளிநாடுகளில் பணி புரியச் செல்கிற அதிக திறமையானவர்கள் வசதி வாய்ப்புகளைப் பெற்றுள்ளனர். எந்த ஒரு நேரத்திலும் 5,00,000 பேர் வானூர்தியில் பறந்துகொண்டிருப்பதாக உலக சுகாதார அமைப்பு மதிப்பிட்டுள்ளது.
இயற்கையை மாசுபடுத்துதலில் உலகமயமாதலின் பங்கு:
price_of_civilization_jeffrey_sachsஇந்தியா, சீனா மற்றும் வளரும் நாடுகளிலும், ஏழைமை நாடுகளிலும் மக்கள் தொகை அதிகமாகவதால் உணவுப் பொருட்களின் தேவை அதிகமாகிறது. அதற்கேற்றாற் போல விலைவாசி ஏற்றமும் அதிகமாகிறது. ஆகையால் உணவுப் பிரச்னையும் வறுமையும் அதிகரிக்கிறது.  இரும்பு, தாமிரம், அலுமினியம் போன்ற பொருட்களின் விலையும் அதிகரித்துள்ளது. மேலும் தொழில்நுட்ப வளர்ச்சியால் எண்ணெய், நிலக்கரி ஆகியவற்றின் விலையேற்றமும், இவற்றை உபயோகிப்பதால் சுற்றுச்சூழல் மாசுபடுதலும் அதிகரிக்கிறது. காடுகளை அழித்தல், சூழலியல் மாற்றங்கள், நில அரிப்பு, போன்றவற்றை சிறிதும் பொருட்படுத்தாது உலக நாடுகள் தங்களின் பொருளாதார வளர்ச்சியையும் மக்களின் ஆடம்பர வாழ்க்கையைப் பூர்த்தி செய்யும் போட்டியிலும் இறங்கியுள்ளது வருந்தத்தக்கது.
உலகமயமாதலை அமெரிக்கா சரியான முறையில் அணுகத் தவறிவிட்டது. உற்பத்தி நிறுவனங்கள் மற்ற நாடுகளில் அமையப் பெற்றதால் அமெரிக்கர்கள் பெருமளவிற்கு வேலை வாய்ப்பை இழந்துள்ளார்கள் என்று குறைபடுகிறார் ஜெஃப்ரி சாக்ஸ். மேலும் உலகமயமாதலால் உலக நாடுகளின் பொருளாதார நிலைத்தன்மை கேள்விக்குறியாகி உள்ளது. தொழில்நுட்பத்திற்கும் உற்பத்தி சார்ந்து மட்டும் பொருளாதாரக் கொள்கைகளை வகுக்காது, வேளாண்மை மற்றும் ஏழ்மை மக்களும் பலன்பெறும் வகையிலும் அரசாங்கமும் சந்தையும் ஒருங்கிணைந்து செயல்படுவதன் மூலமே உலகமயமாதலை முழுமையாக வெற்றி பெற செய்ய இயலும்.

கற்குவேல் அய்யனார் கோவில் வரலாறு பகுதி 1

karku vel 1
கற்குவேல் அய்யனார் கோவிலின் வரலாற்றையும் , கோவில் குறித்த தகவலையும் பகிர்ந்து கொள்வதில் எனக்கு மிகப் பெரிய உள்ளார்ந்த திருப்தி.
கற்குவேல் அய்யனார் நீதி கூறி மக்களை நல்வழிப்படுத்தி அவர்களின் வாழ்வில் மகிழ்ச்சி பொங்கச் செய்து அருள் பாவித்து வருகிறார். இங்கு எழுந்தருளியிருக்கும் கற்குவேல் அய்யனார், பொற்கலை , பூர்ணம், பேச்சியம்மன், பெரியாண்டவர், சுடலை மாடன், கருப்பன், பட்டவராயன், வன்னிய ராஜா, பலவேஷக்காரன், முன்னடியான், பின்னடியான், தளவை நல்ல மாடசாமி, உதிர மாடன், ஐவர் ராஜா, பிரம்ம சக்தி, இசக்கியம்மன், சங்கிலி மாடன், பகைடைச் சாமி, சொல்கேளா வீரன், சிவனனைந்த பெருமாள், நாகரிக சிவனனைந்த பெருமாள், செருக்கன், சூர்யர் பீடம், இலாட சன்னியாசி,ஆளியப்பர், பொங்கத்த அய்யனார் முதலிய பரிவாரத் தெய்வங்களும் எழுந்தருளி மக்களுக்கு அருள்மழை பொழிந்து வருகின்றனர்.
கற்குவேல் அய்யனார் கோவில் வரலாற்றை யாரிடம் எழுத ஒப்படைக்கலாம் என்று எண்ணிய பொழுது, சிறுதெய்வ வழிபாடு என்ற நூலை எழுதிய முனைவர் பேராசிரியர் கணபதி ராமன் அவர்களிடம் ஒப்படைத்தனர்.
karku vel 2
கோவில் வரலாறு:
குதிரை மொழி:
ஆதித்த மன்னர்கள் குதிரை மொழி பகுதியை ஆட்சி புரிந்து வந்தனர். மானவீர வளநாடு, வடபத்து தென்பத்து மன்னர்களும் குதிரை மொழியில் உள்ள சுந்தர நாச்சியம்மன் கோவிலுக்கும் வெளிநின்ற பத்ர காளியம்மன் கோவிலுக்கும், கலியுகவரத அய்யனார் கோவிலுக்கும் நிலங்கள் வழங்கி  பூஜை நடைமுறைக்கு வழிவகை செய்தனர். இக்கோவில் கிபி 1639 லேயே அமைந்துள்ளது. கடந்த 500 வருடங்களுக்கும் முந்தைய வரலாறுடையது.
அய்யனார் அருள் காட்சி:
அரக்கர் வம்சத்தில் வல்லரக்கன் என்ற அரக்கன் பிறந்தான். சிறுவயது முதல் சிவனை நினைந்து வழிபட்டு வந்தான். வல்லரக்கன் ஒற்றைக்காலை ஊன்றி மறுகாலை ஊன்றிய காலின் மீது வைத்து நீண்ட தவம் புரிந்தான். ஆண்டுகள் பல ஓடின. சிவன் அறிந்தும் அறியாமலும் இருப்பதைக் கண்ட பார்வதி, பெருமானே அவன் தவத்திற்கு செவி சாய்க்கக் கூடாதா என்றார்.
பார்வதியின் விருப்பத்திற்கேற்ப வல்லரக்கனிடம் என்ன வரம் வேண்டும் என்று கேட்டார்களாம். அதற்கு வல்லரக்கன் நான் யார் தலையில் கை வைக்கிறேனோ அவன் உடனே மரணமடைந்து விட வேண்டும் என்றானாம். சிவனும், தந்தேன்  என்றாராம். வரம் கிடைத்த மகிழ்ச்சியிலும் அகங்காரத்திலும் சிவன் தலையில் கை வைக்க நினைத்தானாம். இதையறிந்த விஷ்ணு வல்லரக்கனை மயக்க மோகினி வடிவமெடுத்து சென்றாராம். மோகினி வடிவத்தில் இருந்த விஷ்ணுவின் அழகில் மயங்கி  , நான் உன்னைத் திருமணம் செய்ய ஆசைப்படுகிறேன் என்று மோகினியிடம் முறையிட்டானாம்.
உன்னை மணக்கிறேன். ஆனால் நான் செய்வதை நீயும் செய்தால் மணம் புரிகிறேன் என மோகினி வடிவில் இருந்த விஷ்ணு சொல்ல வல்லரக்கன் தலையாட்டினான். உடனே விஷ்ணு தன் தலையில் கைவைக்க, தான் வாங்கிய வரத்தை மறந்து தன் தலையிலேயே கைவைத்தான் வல்லரக்கன். அவன் வாங்கிய வரமே அவனுக்கு சாபமாய் மரணத்தைக் கொடுத்தது. சிவ விஷ்ணுவின் திருவிடையாடளுக்குப் பின் மோகினிக்கும், சிவனுக்கும் பிறந்த குழந்தைதான் ஹரிஹரன் என்ற அய்யனார் பிறந்தார்.
இந்தக் கதையை கோவிலுக்கு வில்லுப் பாட்டு பாட வருபவர்கள் சொல்வதுண்டு. கற்கை என்பதற்கு யானை மீது போடும் பலகை என்றும், வேலிப் பருத்திச் செடி என்றும் அகராதிகள் கூறுகின்றன. கற்கி என்பதற்கு கோவில் என்றும் பொருள் உண்டு. யானை மீது வைக்கப்படும் ஆசனத்தில் அய்யனார் அமர்ந்தருள்வதால் கற்கை அய்யனார் என்று சொல்லப் பெற்று பிற்காலத்தில் கற்குவேலை அய்யனார் என்று சொல்லப் பட்டிருக்கலாம். கற்கு என்பதற்கு கூர்மை என்ற பொருளும் உண்டு. சிலர் கூர்மையான வேல் – ஐக் கொண்ட என்பதைக் குறிப்பதானால் கற்குவேல் அய்யனார் என்று
அழைக்கப்பட்டிருக்கலாம் என்றும் சொல்கின்றனர்.
karku vel 3
வேறு சிலர் கருவேல மரத்தில் எழுந்தருளி காட்சி தந்ததால் கருக்கோ அய்யனார் அன்று சொல்லப் பெற்றார். ” கற்கு வா” என்ற மரத்தின் மீதிருந்து
அருள் பாலித்ததால் “கற்குவா அய்யனார் ” என்றழைக்கப்பட்டு நாளடைவில் அதுவே கற்குவேல் அய்யனார் என மருவி இருக்கலாம் என்றும் சொல்லப்படுகிறது.
கற்கு என்றால் கூர்மையான பகுதி என்ற பொருளும், மேலும் இப்பகுதி பனை மரங்கள் நிறைந்த பகுதியாதலால் அதன் பொருட்கொண்டும் இப்பெயர் அமையப் பெற்று இருக்கலாம் .
karku vel 4
அய்யனார் சன்னதியின் மகா மண்டபத்தில் விநாயகப் பெருமான் அமர்ந்தருளியுள்ளார். இலாட சன்னியாசி விநாயகருக்கு அருகில் அமர்ந்திருக்கிறார். முனிவர் கோலம் முனீஸ்வரர், அய்யனாருக்கு ஆலோசனை கூறும் அமைச்சர் போன்றோர் வலது பக்கத்தில் உள்ளனர். மேலும் வலது பக்கத்தில் பரந்தாமனே ஆளியப்பராக அமர்ந்துள்ளார்.
அய்யனாரின் வாகனமாக குதிரை ஏன், மேலும் எவ்வாறு அய்யனார் அப்பகுதி மக்களுக்கு அருள் பாலித்தார் என்பது பற்றிய வரலாற்றை அடுத்த பகுதியில் காண்போம்.

சோமாசி – சுவையான தின்பண்டம்

someshi 1

தேவையான பொருட்கள்
மைதா – 1 கப்
சோள மாவு – 3  டேபிள் ஸ்பூன்
உப்பு – சிறிது அளவு
எண்ணெய் – 3 டீ
someshi 6
பூரணம்  1 செய்ய :
பாதாம் உடைத்து – 5 முதல் 6 டேபிள் ஸ்பூன் வரை (முந்திரியும் உடைத்தது வைக்கலாம்)
சீனி – 3 முதல் 4 டேபிள் ஸ்பூன் (தேவைக்கு ஏற்ப கூட்டியோ குறைத்தோ கொள்ளவும்)
பூரணம் 2 :
பொட்டு கடலை உடைத்தது
சீனி – 3 முதல் 4 டேபிள் ஸ்பூன் (தேவைக்கு ஏற்ப கூட்டியோ குறைத்தோ கொள்ளவும்)
someshi 2
செய்முறை:
பாதாம் உடைத்தது, சீனி (sugar ) சேர்த்து பூரணம் 1 அல்லது பூர்ணம் 2 செய்து கொள்ளவும்.
மைதா, சோள மாவு, சிறிது உப்பு சேர்த்து எண்ணெய் சேர்த்து நன்கு பிசையவும்.
எண்ணெய் சேர்த்து நன்கு பிசைந்த பிறகு சிறிது சிறிதாக தண்ணீர் தெளித்து கெட்டியாக பிசையவும்.
மாவை சிறிய உருண்டைகளாக உருட்டி மெல்லிய பூரிகளாக இட்டு ஒரு ஓரமாக பூரணம் வைத்து மடிக்கவும்.
someshi 3

மடித்ததை ஓரங்களை மைதா,தண்ணீர் கலந்த கலவையால் ஒட்டவும்.

someshi 4

ஓரங்களை எதாவது கத்தி அல்லது கரண்டியால் சீர் செய்து மிதமான சூட்டில் எண்ணெயில் பொன்னிறமாக பொரித்து எடுக்கவும்.

someshi 5

சுவையான சோமாசி ரெடி.