இந்து மதத்தின் ஜாதிகள் சமூக பலத்தின் அடையாளம் :

இந்து மதத்தின் ஜாதிகள் சமூக பலத்தின் அடையாளம் :

மனிதர்கள் கூட்டமைப்பாக அல்லாமல் தனி மனிதர்களாக செயல்படுதல் அவர்களின் அடிப்படையை வெளியிலிருந்து வரும் சக்திகளால்  எளிதில் வீழ்த்த முடியும். ஆனால் மனிதர்கள் கூட்டாக செயல்படும்போது, அவை தங்களின் பாதுகாப்புக் கருதி ஓர் அமைப்பாக மாறும்போது அவைகள் பலம் பெறக்கூடும். சில நேரங்களில் பலவீனமாகக் காணப்பட்டாலும் சமூக மாற்றங்களில் மேலும் கீழுமான நிலைக்குப் போகும் என்பதும் யதார்த்தம்.

 

குடும்ப அமைப்புகளின் நீட்சியாகத் தான் குழு வாழ்க்கையைப் பார்க்க வேண்டும். அக்குழு வாழ்க்கை முறைதான் பிற்காலத்தில் சாதிய அமைப்பாக மாறி இருக்கக் கூடும். இன்றும் ஜாதிகளின் பலமாக இருப்பது. 1. ஒரு குழுவாக எதிரிகளிடமிருந்து தம்மையும் தமது பண்பாட்டையும் காப்பது. 2. சமூக முதலீடு. திருப்பூரில் கவுண்டர் சமூகத்தினரையும் குஜராத்தின் டைமன்ட் தொழிலில் ஈடுபடும் சமூகத்தினரையும், மளிகை வியாபாரத்தில் நாடார் சமூகமும் சாதித்துக்காட்டியுள்ளன.

இந்தியாவில் ஹிந்து மதத்தில் ஜாதிய அமைப்பில் பல தீங்கான ஒதுக்கக்கூடிய பல அம்சங்கள் இருந்தாலும் சாதிய அமைப்புகள் பல்வேறு வகையில் முரண்பட்டு கிடப்பதும், கம்யுனிஸ்ட் வாதிகள் முன்வைக்கும் ஸ்மிருதி என்ற ஒற்றை நூலின் வழியாகத்தான் இந்து மதம் இயங்குவது போல ஒரே பொய்யை மீண்டும் மீண்டும் சொன்னாலும், அவ்வாறாக இந்து மதமும் அதன் சாதி அமைப்புகளும் கிடையாது. அவை ஒவ்வொன்றும் தமது வழிபாட்டு முறைகளில், சடங்கு முறைகளில் வெவ்வேறு வகைகளைப் பின்பற்றுதலும் கூட்டு சமூகமாக எதிரிகளை எதிர்ப்பதன் வாயிலாக தமது சாதிகளை மட்டுமல்ல, இந்து மதத்தைக் காப்பாற்றியுள்ளது என்பதில் சாதிகளின் பங்கு அளப்பரியது.

சாதியமாக அல்லாமல் ஒரே குழுவாக , இயங்கிய நாடுகளை எகிப்து, ஈரான், மெசபடோமியா, இன்னும் பல பௌத்த நாடுகளில் அங்குள்ள மக்கள்வழிபடும் மைய அமைப்பினைத் தகர்ப்பதன் வாயிலாகவும், அங்குள்ள மக்களை முழுவதுமாக இஸ்லாம் மதத்தை, கிருத்துவத்தை பின்பற்ற எடுத்த நடவடிக்கைகளில் வெற்றி பெற்றவர்களால் முழுவதுமாக இந்தியாவில் மதமாற்றத்தில் வெற்றி பெற முடியாமல் போனதற்கு மிக முக்கியக் காரணம் இங்குள்ள பல்வேறு சாதிய குழுக்களும், குல அமைப்பு முறைகளும் பின்பற்றிய முரண்பட்ட வழிபாட்டு முறைகளுமே முக்கியக் காரணம்.

இல்லன்னா ஒட்டு மொத்தமாக மதம் மாற்றியிருப்பார்கள்.

To consider resilience, think of the fact that of all the civilizations that the Muslims encountered when they swept out of Arabia, the Hindu civilization is the only one that did not get wiped out. Great, established cultures such as Egypt and Persia, and all the Buddhist cultures of Central Asia were completely erased in a very short time.

http://swarajyamag.com/magazine/jati-as-social-horsepower/

அருமையான கட்டுரை. வாசியுங்கள்.

ஐநாவில் இந்தியை கொண்டு வர நடக்கும் முயற்சிகள் சரியா? தவறா?

மொழி வாரியாக மாநிலங்களைப் பிரித்தது சரியா? தவறா?

ஐநாவில் இந்தியை கொண்டு வர நடக்கும் முயற்சிகள் சரியா? தவறா?

மொழி வாரியாக மாநிலங்களைப் பிரித்தது சரியா? தவறா? என்னுடைய கருத்துகளையும் ஐயங்களையும் முதலில் சொல்லி விடுகிறேன். மொழி வாரி மாநிலங்களாகப் பிரிக்கும் போதுள்ள சூழலை அடிப்படையாகக் கொண்டு சொல்கிற கருத்தாக எடுத்துக் கொள்ளவும். மொழி வாரியாகப் பிரித்த போது பெரும்பாலான மக்கள் தம் தாய்மொழிக் கல்வியைப் படிக்கும் பாக்கியம் கிட்டியது. அவ்வகையில் சரி. இன்னொரு விஷயம், எல்லையின் அடிப்படையில் மக்கள் தொகையைச் சரிசெய்யும் நோக்கில் மாநிலங்களைப் பிரித்திருந்தால் ஆங்காங்கே சாதிக் கட்சிகளைப் போல மொழியை அடிப்படையாகக் கொண்ட சிறுபான்மை கட்சிகள் தோன்றி இருக்கக் கூடும். அது தற்போதைய நிலையை விட மோசமான நிலைக்கு இந்தியாவைக் கொண்டு சென்று இருக்கலாம். அவ்வகையில் மொழி வாரி மாநிலங்கள் பிரிவை வரவேற்கிறேன்.

இந்தியைத் திணிக்கும் முயற்சிகள் தவறு என்பதில் மாற்றுக் கருத்தில்லை. ஆனால் திராவிடக் கட்சிகளும் தமிழ் தேசியம் பேசுபவர்களும் தமக்கு இலகுவான விஷயத்தின் அடிப்படையில் மட்டும் கேள்வி கேட்பதுதான் சரியல்ல என்று படுகிறது. நேர்மையாக விவாதிப்போம்.

மத்திய அரசு இங்குள்ள இதர மாநில மொழிகளை அலுவல் மொழியாக ஆக்காமல் ஐ.நாவில் இந்தியை அலுவல் மொழிகளில் ஒன்றாக ஆக்க முயல்வது தவறு என்பது கருணாநிதி மற்றும் தமிழ் தேசியம் பேசும் , திராவிடம் பேசுபவர்களின் கருத்தாக உள்ளது. இக்கேள்வி நேர்மையென ஒருவர் கருதும் பட்சத்தில் என்னிடம் அடிப்படையாக சில கேள்விகள் உள்ளன.

இந்தி மீதோ, இதர மொழிகள் மீதோ தங்களுக்கு எந்தக் காழ்ப்பும் இல்லையென வாயில் சொல்லிக் கொள்கிற தமிழ் தேசியம், திராவிடம் பேசுபவர்கள் திராவிடக் கட்சிகளின் ஆட்சியில் ஏன் மூன்றாம் மொழியாக மாணவர்கள் விரும்பும் மொழியை அரசுப் பள்ளியில் படிக்கும் வாய்ப்பைக் கெடுத்தார்கள். உதாரணமாக தெலுகு பேசும் நாயக்கர்களும், செட்டியார்களும், நாயுடுகளும் இதர தெலுகை அடிப்படையாகக் கொண்ட சென்னை, வேலூர் சார்ந்த மாகாண மக்களும் கல்வி கற்க மூன்றாம் பாடமாக (முதல் பாடமாக வேண்டாம்) தமிழக அரசே அரசுப் பள்ளிகளில் ஏன் கொண்டுவரவில்லை? மலையாளம், கன்னடம் பேசும் மக்களுக்காக அரசுப் பள்ளியில் இல்லாமல் இரு மொழிப் பாடக்கொள்கையோடு திராவிட அரசுகள் நிறுத்திக் கொண்டது ஏன்?

மொழிக்கு முக்கியத்துவம் கொடுக்கும் அரசு எனில் ஆங்கில வழிக் கல்வி முறையைத் தமிழகத்திற்கு ஏன் அறிமுகப்படுத்தினார்கள்? அங்கு ஹிந்தி மூன்றாம் பாடமாகக் கற்பிக்கப்படும் போது ஏன் மௌனம் சாதித்தார்கள்? சாதிக்கிறார்கள்? மற்ற மொழியின் மீது மாற்றாந்தாயாக மத்திய அரசுகள் நடந்து கொள்கிறது என சொல்பவர்கள் தமிழகத்திலும் கணிசமான மக்கள் மாற்று மொழியைச் சேர்ந்தவர்கள் காலங்காலமாக இங்குள்ளார்கள் என்பதை மறந்தது எப்படி?

ஒரு வகுப்பில் பதினைந்து மாணவர்களுக்கு மேல் படிக்க சேரும் பட்சத்தில் மூன்றாம் பாடமாக தெலுங்கையோ, இந்தியையோ, கன்னடத்தையோ, மலையாளத்தையோ வைப்பதில் என்ன தவறு இருக்க முடியும்? உண்மையில் மற்ற மொழிகள் மீது காழ்ப்பு கிடையாது, அது திணிக்கப்படுவதாலேயே எதிர்க்கப்படுகிறது என சொல்லிக் கொண்டு இங்குள்ள மற்ற மொழி பேசும் சிறுபான்மையினருக்குத் தமது கல்வியை அரசே ஏற்படுத்திக் கொடுக்காமல் வேண்டுமென்றால் அவர்கள் நடத்தும் தனியார் பள்ளிகளில் போய் படிக்கட்டும் என்று சொல்வது எவ்வகையில் சேர்த்தி? மாநிலங்களில் பன்மைத் தன்மை பேணிக்காக்கப் பட வேண்டிய அவசியம் கிடையாதா? இந்தியை சாமானியர்கள் படிப்பதை வைத்து எதிர்காலத்தில் மத்திய அரசு இந்தியை எளிதாகத் திணித்து விடும் என்ற அடிப்படையில் தூக்கியது என நியாயம் கற்பிக்க இயலும். அது சரியெனக் கொண்டால், ஜெர்மன் மொழிக்குப் பதிலாக இந்திய மொழியை (சமஸ்கிருதம்) கட்டாயமாக்கலை எதிர்ப்பது மட்டும் எவ்வகையில் நியாயமாகும். அங்கு மட்டும் மாணவர் நலன் , மாணவர் விருப்பம் எங்கிருந்து வருகிறது? திராவிடக் கட்சிகள் தமிழர் நலன் கருதி முடிவெடுத்தால் சரியென்றும், அதையே இந்திய மொழி மீதுதான் முக்கியத்துவம் கொடுக்க முடியுமென மத்திய அரசு கொள்கை முடிவெடுப்பதை மட்டும் தவறு என எந்தத் தார்மீகத்தில் கேள்வி எழுப்ப முடிகிறது?

தமிழ்நாட்டில் பெரும்பான்மை மொழியாக தமிழ் இருக்கும்பட்சத்தில் அதை முதல் மொழியாகக் கொண்டு நடத்துவதுதான் சரி. அதைப் போலவே ஐ.நாவில் இந்தியாவில் இந்தியை அதிக மக்கள் பேசும், புரிந்து கொள்ளும் மொழி என சேர்க்க முயற்சிப்பது மட்டும் தவறா? இப்போதும் சொல்கிறேன். இந்தி படிக்காமல் ஆங்கிலம் படித்ததால் தமிழன் முன்னேறி இருக்கிறான் என்பதில் மாற்றுக் கருத்தில்லை. ஆனால் இந்திய அரசியல் நிலைப்பாட்டில் மத்திய அரசின் மீது நமக்கு இலகுவான விவாதத்தை மட்டும் எடுத்து வைத்துக் கொள்வதில் என்ன நியாயம் உள்ளது? அலுவல் மொழியாக தமிழ் இருந்தால் ஒவ்வொரு தமிழனும் மகிழ்வான் என்பது போலவே, மாநில அரசுகளே மற்ற மொழி பேசும் சிறுபான்மை மக்களும் அவர்தம் தாய்மொழியை அறிந்து கொள்ள மூன்றாம் பாடமாக அமைத்து ஆசிரியரைப் பணியில் அமர்த்துவதுதானே முறை. அதிக அளவில் மக்கள் பேசுகிற மொழி தான் முதல் பாடமாக இருக்க வேண்டும் என்பது சரியெனில் , ஐநாவில் இந்தியை எடுத்துச் செல்வது மட்டும் எவ்வாறு தவறு என சொல்ல முடியும். இந்தியாவின் பன்மைத் தன்மையைக் காட்டத் தான் இந்தியாவின் பணத்தாளில் 17 மொழிகளும் அச்சிடப்பட்டுள்ளது என சொன்னால் ஏற்றுக் கொள்ளப்போகிறோமா? என் வாயை நீங்கள் இவ்வாறு ஒரே வரியில் அடைத்து விட்டுச் செல்லலாம். “ ஐ.நாவில் இந்தி , இந்தியாவில் அதிக மக்கள் பேசுவதன் அடிப்படையில் கொண்டு செல்வதை ஆதரிப்பதற்கு இத்தனை நன்னூல் கேள்விகள் தேவையற்றது” என சொல்லி விட்டுக் கடந்து செல்லலாம். ஆனால் என்னுடைய கேள்விகள் உங்களுக்கும் நிச்சயமாக சில நேர்மையான கேள்விகளை எழுப்பவே செய்யும். அவரவர்க்கு அவரவர் அரசியலில் பிழைத்துக்கிடக்க மொழியும் கிடைத்துள்ளது.

“ஒரு விஷயம் தெளிவாக உள்ளது. அரசுகள் அவர்கள் விரும்பும்
————————————————————————————————————
கொள்கை முடிவுகளைமட்டுமே எடுப்பார்கள்.”
—————————————————————————–

சாதிய அமைப்பு முறை மற்ற அமைப்புகளைக் காட்டிலும் சிறந்தது

இந்தக் கட்டுரையில் சாதிய அமைப்பு முறை மற்ற அமைப்பு முறைகளான மொழிப் பிரச்சினை, இனப் பிரச்சினை, மதப் பிரச்சினைகளோடு ஒப்பிடுகையில் ஓரளவுக்குச் சிறந்தது என்பதே எனது கருத்து.

பகுதி 1:

சாதியிலுள்ள தீண்டாமைக் கொடுமைகள் மறைய வேண்டுமென்பதில் யாருக்கும் மாற்றுக் கருத்தில்லை. ஆனால் மொழி, இனம், மதம் ஆகியவற்றால் ஒரு கலவரம் ஏற்பட்டால் அதனால் ஏற்படும் இழப்புகளும் ஏராளம். ஆனால் இரு சாதிப் பிரிவுகளுக்குள் கலவரம் ஏற்பட்டால் இழப்புகளையும், கலவரத்தையும் எளிதில் கட்டுப்படுத்தலாம்.

சியா, சுன்னி என மதமாக இருந்தாலும் சரி, சாதியாக இருந்தாலும் சரி பிரிவுகள் குறையும் போது ஒரு நாட்டில் ஏற்படும் இழப்புகள் அதிகம்.

பிரிவுகளற்ற சமுதாயமாக மனிதர்கள் இயங்கவும் வாய்ப்பில்லை என்பதே இயல்பு. அதைப் போலவே இன்று முக்குலத்தோர், வன்னியர் என தம் சாதியிலுள்ள மூன்று பிரிவுகளைச் சுருக்கி ஒற்றை முகத்தோடு வரும்போது தான், அவர்கள் தாங்கள்தான் ஆளத் தகுதியானவர்கள் என்ற எண்ணம் மேலோங்குகிறது.

ஆகையால் சாதிகள் பல துண்டுகளாக பல பிரிவுகளாக இருப்பதே வேற்றுமையில் ஒற்றுமை எண்ணத்திற்கு வலு சேர்க்கும். பிரிவுகள் சுருங்கும் போதே பிரச்சினைகள் அதிகமாகும். மனிதர்கள் ஒற்றுமையாக இருக்க வேண்டுமென்பது வேறு.

சுதந்திரப் போராட்டத்தில் விடுதலை ஒன்று தான் குறிக்கோள் என்ற இடத்தில் கூட சிந்தனை மாற்றம், போராட்ட முறையில் ஏற்பட்ட கொள்கை மாற்றங்களே நேதாஜியையும், காந்தியையும் வேறு வழியில் பயணிக்கச் செய்தது. ஆகையால் எந்தக் காலத்திலும் மனிதர்கள் அதிகாரத்திற்காகவும், தமது பாதுகாப்பிற்காகவும், கொள்கைக்காகவும், பிரிவுகளாக மாறுவார்கள் என்பதே இயல்பு. ஆகவே உலகம் முழுக்க இனம், மொழி, மதம் ஆகியவற்றால் ஏற்பட்ட இழப்புகளைக் காட்டிலும் சாதிய அமைப்பு முறை ஒன்றும் கொடூரமானதல்ல என்பதே. உலகில் இருக்கிறஅமைப்பு முறைகளில் சாதியம் ஒன்றும் அத்தனை கொடூரமானதல்ல என்பதே எனது பார்வை. இல்லைஎன்பவர்கள் எந்த மாதிரியான அமைப்பு முறை இருப்பதில் சிறந்தது எனசொல்ல வேண்டும்

பகுதி 2:

குழு வாழ்க்கையிலும் சரி, தனி நபராக வாழும் வாழ்க்கையிலும் சரி, நாம் செயல்படுகிற முறையால் நன்மையும் தீமையும் கலந்தே இருக்க முடியும். நாம் அனைத்து விஷயத்திலும் தீங்குகள் என்று வந்தால் அந்த அமைப்பு முறையை ஒழித்துவிடுவதே நல்லது என்கிற பரப்புரைகளைச் செய்பவர்களாக இருக்கிறோம். ஓலை வீடாக இருந்தால் ஓலையை மாற்ற என்ன வழி என்று சொல்வதற்குப் பதிலாக வீட்டை இடி , தீப்பிடிக்க வாய்ப்பில்லைஎன்கிறோம்.

சாதி ஒழிப்பில் ஆரம்பித்து மதப் பிரச்சினை, இனப்பிரச்சினை, மொழிப் பிரச்சினை என அனைத்திலும் cause என்ன அதற்கு எவ்வாறு செயல்பட்டால் விடுபடலாம் என்பதற்குப் பதிலாக அதை ஒழிப்பதே முறை என்கிற கருத்துகளே வரவேற்கப்படுகின்றன. உதாரணமாக சாதி ஒழிந்தால் நல்லது, அது ஒழிந்தால் மட்டுமேதீர்வு என்று சொல்வதைப்போல!.

எந்த அமைப்பு முறை வாழ்க்கையிலும் பிரச்சினையிலிருந்து விடுபடும் ஆலோசனைகள் சொல்லப்பட்டால், அவர்களை சாதிய வெறியன் என்று சொல்லிஅடைக்கிறோம். பணம்கூட மக்களை upper class, middle class, Lower class, upper middle class… etc எனப் பிரித்துள்ளது. பணமற்ற ஒரு சமூகம் பங்கீட்டு வாழும் என்று சொல்லிவிட முடியுமா ? இந்த class(வகுப்பு) பிரிவினைகள் இல்லாத ஒரு மாற்று சமூகத்திற்கான வழிமுறைகள் என்ன என்று கேளுங்கள். Theoritical அறிவுரைகள் நிறைய வரும். அவை தேவையில்லை என்று சொல்லவில்லை. அவற்றிலிருந்தே அதை நடைமுறைப்படுத்த, நல்ல விஷயங்களைச் செயல்படுத்த முனைவோம் என்பதில் மாற்றுக்கருத்தில்லை. ஆனால் உலகம் முழுவதும் வகுப்பு வாரியாக மக்கள் பிரியாத ஒரு சமூகம் இருக்கிறதா? ஆகவே ஒரு அமைப்பை ஒழித்தால்தான் தீர்வு என்பதற்குப் பதிலாக அதிலுள்ள தீமைகளைக் கலையும் அறிவுரைகளே இன்றைய தேவை.

தமிழகத்தில் பிஜேபி வளர என்ன செய்ய வேண்டும்?

ஜெயலலிதாவிற்கு வருமானத்துக்கு அதிகமாகச் சொத்து சேர்த்த வழக்கில் இன்று (27/09/2014) வழங்கப்பட்ட தீர்ப்பில் ஜெயலலிதாவிற்கு நான்கு ஆண்டுகள் சிறைத் தண்டனையையும், 100கோடி அபராதத் தொகையையும் விதித்து சிறப்பு தனி நீதிமன்றம் தீர்ப்பு வழங்கியுள்ளது. அதையொட்டி சமூக வலைத்தளங்களில் வெளிவந்த பெரும்பாலான கருத்துகள்   பிஜேபி வளர இது அருமையான வாய்ப்பாகவே அமையும் என்கிறார்கள். ஆனால் பிஜேபி வளர வேண்டுமானால் எதைச் செய்ய வேண்டும்? தற்போதைய முறையில் பிஜேபி வளர சாத்தியமில்லை என்பதற்கான காரணங்களைத் தான் கீழே  எழுதியுள்ளேன்.

நடுநிலையாளர்கள் இங்கே பிஜேபி வளர்வதற்கே இந்தத் தீர்ப்பு வழிவகுக்கும் என்று அஞ்சுகிறார்கள். அதற்கு அவர்கள் முன்வைக்கும் காரணங்கள் ரொம்பவே வேடிக்கையானது. அதேபோல நிறைய பிஜேபி ஆதரவாளர்களும் இதைப் பயன்படுத்தி பிஜேபி தமிழ்நாட்டில் எளிதாக வளர்ந்து விடும் எனக் கனவு காண்கிறார்கள்.

என்னைப் பொறுத்தவரையில்,  பிஜேபி தலைவர்களைத் தற்போது  தேர்வு செய்யும் முறையைக் கொண்டு  பிஜேபியை வளர்க்க இயலாது. பிரபலமான ஒரு முகம் தமது  கட்சிக்குக் கிடைக்க வேண்டும் என எண்ணி பிஜேபி செயல்படுகிற வரைக்கும்  தமிழக பிஜேபி வளர வாய்ப்பே இல்லை. ரஜினியை அழைப்போமா, விஜயகாந்தைக் கட்சியைக் கலைக்கச் சொல்வோமா என அழைப்பு விடுத்துக் கொண்டு செயல்படுதல் என்பது  கட்சியின் பலவீனமாகவேக் கருதப்படும். அவர்களை வலுக்கட்டாயமாகவோ, தாங்குவதென்பதோ  கட்சி தமது தலைமையை நம்பாமலும், தலைமையே தன்னை நம்பாமல் விடுக்கிற அழைப்புகள் உள்ள வரை பிஜேபி வளர வாய்ப்பே இல்லை. இது போன்ற அதிமுக, திமுக கட்சிகளுக்குப் பாதகங்கள் வருகிற போது வளர்கிற மாதிரி தெரியும்.  பின்னர் வீழ்ந்து விடும் என்பதே யதார்த்தம்.

 

தற்போதுள்ள  தலைவர்களில் H. ராஜா(உதாரணம் மட்டுமே) போன்ற யாரையாவது ஒருவரை மட்டுமே முன்னிலைப்படுத்தி, அந்த ஒரு தலைவரை “ஹீரோயிச” லெவலுக்குக் கொண்டு வந்து பிஜேபி வெற்றி பெற்றால் இவர் தான் முதல்வர் என்ற நம்பிக்கையைக் கட்சி மக்களிடத்தில் ஏற்படுத்தாத வரை தமிழ்நாட்டில் பிஜேபி ஒரு போதும் ஆட்சி அமைக்க இயலாது. ஏனென்றால் தமிழ் மக்களுக்கு ஹீரோயிசப் பாணி அரசியல் செய்யும் போது மட்டுமே ஒருவரைத் தலைவராக ஏற்றுக்கொள்ளும் மனப் பக்குவம் (மன வியாதி) இருக்கிறது.

பிஜேபி தலைவர்களில் யார் ஒருவரேனும்  கட்சி சார்பாகத் தமிழ் நாடு முழுவதும் சுற்றுப்பயணம் செய்துள்ளாரா என யோசியுங்கள். தமிழ்நாட்டு அரசியலில் காங்கிரஸ் போல இரு வருடங்களுக்குத் தலைமையை மட்டும் மாற்றுவது காங்கிரசுக்கு எந்த அளவிற்குப் பின்னடைவைத் தந்ததோ அதே போலவே பிஜேபியும் உள்ளது என்பது கட்சிக்குப் பின்னடைவேயன்றி முன்னேறுவதற்கான எந்தப் பயனையும் தராது.

தேசியக் கட்சியாகத் தலைவரை மாற்றி மாற்றித் தேர்ந்தெடுப்பதற்கும், மாநிலத்தில் தலைமையை மாற்றுவதற்கும் அடிப்படையில் நிறைய வேறுபாடுகள் உண்டு. தேசியக் கட்சியாக இருக்கும் போது குறிப்பிட்ட சில வருடங்களுக்கு ஒரு முறை கட்சித் தலைமையாக வெவ்வேறு மாநிலத்தைச் சேர்ந்தவரைத் தேர்ந்தெடுப்பதன் மூலம் கட்சி அனைத்து மாநிலத்தில் உள்ள நிர்வாகிகளுக்கும் பொறுப்புகளை வழங்குகிறது, மேலும் கட்சியை அது வளர்க்கவும் வடக்கில் உள்ள தலைமைக்கு மட்டும் முக்கியத்துவம் என்பதல்லாமல் தென் மாநிலத்தில் உள்ளவர்களையும் தலைமையாகக் கொண்டு வருவதன் மூலம் தமது கட்சியைத் தேசியக் கட்சியாக அடையாளப்படுத்த அது உதவும் . அது தேவையும் கூட.  சரியான முறையும் கூட.

ஆனால் மாநிலத் தலைமை என்பது அம்மாநிலத்தில் கட்சி அரசியல் எவ்வாறு செயல்பட வேண்டும் என்பதை அங்குள்ள மாநிலக் கட்சிகள் எத்தகைய முறையில் செயல்படுகிறது என்பதைக் கணக்கில் கொண்டே அதற்குரிய வகையில் தலைமைப் பொறுப்பிற்கு ஒரேயொரு நபரை நெடிய காலத்திற்கு பதவி வகிக்கும் வண்ணம் பிஜேபி சிந்தித்து , நல்ல தலைவரைத் தேர்ந்தெடுக்க வேண்டும். தமிழகத்திலுள்ள மாநிலக் கட்சியைப் பாருங்கள். அனைத்து மாநிலக் கட்சிகளுமே ஒரு தலைமை அடிமையாகவே உள்ளது. அவ்வாறு இருக்க வேண்டிய அவசியமில்லை. ஆனால் மாநில ஆட்சியைக் கைப்பிடிக்க பிஜேபி தகுதியான  ஒரேயொரு தலைவரைக் குறைந்த பட்சம் பத்து வருடங்களுக்காகவாவது வைத்துக் கொள்ளாத வரை தமிழகத்தில் பிஜேபி வளராது.  தலைவரை அடிக்கடி மாற்றுவது என்பது மாநிலத்தில் நான் உன்னை விடப் பெரியவன் என்ற மனோவியாதியை மட்டுமே தலைவர்களுக்குள்ளாக உருவாக்கும். மேலும் தமக்கு ஜால்ரா அடிக்கும் தொண்டர்படைக்கு மட்டுமே வழிவகுக்கும் என்பதை பிஜேபி உணராத வரை மாநிலத்தில் கட்சி வளர்ச்சி என்பதைக் கனவு காணாதீர்கள் பிஜேபி விசுவாசிகளே!!! இதை நாம் காங்கிரசிலும் காணலாம். பிஜேபியிலும் காணலாம்.

 

திமுகவில் வேறு வழியில்லாமல் கலைஞர் இருக்கும் வரை அவரே தலைவர் என்று வெட்டிக் கொண்டும் வெட்டாமலும் ஓட்டிக் கொண்டிருக்கிறார்கள். அதிமுகவைப் பற்றி கேட்கவே வேண்டியதில்லை.

இங்கு கொள்கை, கட்சி அனைத்தையும் தாண்டி தனி நபர் துதிதான் மிக முக்கியமானது என்ற அடிப்படையில் தான் தமிழ்ச்சமூகம் இருக்கிறது. விஜயகாந்திற்கு முதல் இரு தேர்தல்களில் விழுந்த ஓட்டாக இருக்கட்டும், அதிமுகவில் யாரை நிறுத்தினாலும் மக்கள் தேர்ந்தெடுப்பதாக இருக்கட்டும். இரண்டிலுமே தலைவர் என்பவர் யார் என்பதைப் பார்த்து வேட்பாளர்களைத் தேர்ந்தெடுத்த மக்கள்தான் நாம். ஆதலால் மக்களின் உணர்ச்சியைப் பெருக்குகிற, ஹீரோயிச பாணியிலான ஒரு தலைவரை பிஜேபியினர் அடையாளம் காணாத வரை தமிழகத்தில் பிஜேபி வளராது.

 

நான் முன்வைக்கிற கருத்தாக்கம் என்பது அறிவிலிருந்து நோக்கினால் தவறுதான். ஆனால் ஒரு சமூகத்தை , அவர்களின் மனவோட்டத்தில் சென்று அவர்களை உங்கள் பக்கம் திசை திருப்பி வெற்றி பெற்றால் மட்டுமே நீங்கள் ஆளத் தகுதியைப் பெற இயலும். மேலும் பிஜேபி  என்ற கட்சியை வளர்க்கவும்,  மக்கள் சேவையைத் தொடரவும் உதவும்.

 

மத்திய அரசு சமசுகிருதத்திற்கு முக்கியத்துவம் கொடுத்தேயாக வேண்டும் !!!

1. மத்திய அரசு சமசுகிருத வாரமாக அனைத்து மாநிலங்களிலும் உள்ள CBSE பள்ளிகள் கொண்டாடுவது சரியா? தவறா? என்ற கேள்வியை முன் வைப்பவர்களுக்கான பதில் கட்டுரை அல்ல இது.

2. தமிழைக் காட்டிலும் சமசுகிருதம் உயர்ந்த மொழி என்று வாதிடுவதற்காக எழுதப்படவில்லை. தமிழை நீங்கள் எந்த அளவுக்கு நேசிக்கிறீர்களோ அதே அளவிற்கு உளப்பூர்வமாகக் காதலிக்கிறேன். ஆதலால் தமிழைக் காட்டிலும் சமசுகிருதத்திற்கு முக்கியத்துவம் கொடுப்பதாக நீங்களாகப் பொருள் கொண்டு என்னிடம் கேள்வி எழுப்புவதால் எந்தப்பயனும் இல்லை.

இப்போது சமசுகிருதத்திற்கு மத்திய அரசு ஏன் அதிக முக்கியத்துவம் கொடுக்க வேண்டும் என்பதைப் பற்றிச் சொல்லி விடுகிறேன். ஒவ்வொரு சமயத்திற்குமான மூல நூல்கள் குறிப்பிட்ட மொழியில்தான் அதிகம் உள்ளன. அவ்வகையில் என்னுடைய இந்தியாவின் ஆதிகாலச் சமயமான இந்து சமயத்தின்(அதுதான் இந்தியாவின் அடிப்படை கலாச்சார, பண்பாட்டின் அடையாளங்கள்) மூல வேதங்களான ரிக், யசூர்,சாம, அதர்வணம் போன்ற வேத நூல்களாகட்டும், இரு பெரும் இதிகாசங்களான மகாபாரதம், ராமாயாணம், பகவத் கீதையாகட்டும். அவையாவும் சமசுகிருத மொழியில் தான் முதன்முதலாக எழுதப்பட்டுள்ளன.

இந்தியா ஆகச்சிறந்த தத்துவார்த்த நாடாக விளங்குவதற்கு இந்நூல்கள் கற்பிக்கும் வாழ்வியல் பாடங்கள் முக்கியம். சமசுகிருதத்தை தமிழ் மீது கொண்ட காதலால் வெறுப்பவர்களை மன்னித்து விடலாம். மத நம்பிக்கைகளில் ஈடுபாடில்லாதவர்களுக்கு இது முக்கிய விடயமாகப் படப்போவதில்லை. ஆனால் இந்து என்கிற உணர்வோடு இருக்கிறவர்கள் எந்த அடிப்படையையும் புரிந்து கொள்ளாமல் இந்திய அரசு, சமசுகிருதத்திற்கு அதிக முக்கியத்துவம் கொடுப்பதை எதிர்ப்பதைத் தான் ஏற்றுக்கொள்ள இயலவில்லை. நம்மவர்களுக்கு கட்சித் தலைமைகள் சொல்வதே வேத வாக்கு. அதன் அடிப்படையில் மட்டுமே ஒவ்வொரு விடயத்தையும் அணுகுகிறார்கள். அதுதான் அடிப்படைப் பிரச்சினை.

அவர்களின் முக்கியக் குற்றச்சாட்டே பேச்சு வழக்கற்ற தற்போதைய காலக்கட்டத்தில் எழுத்து வழக்கிலும் அல்லாத மொழிக்கு தமிழைக் காட்டிலும் (பிற பிராந்திய மொழியைக் காட்டிலும்) பன்மடங்கு அதிக நிதியை ஒதுக்குவதைத் தான் பொறுக்க முடியாமல் எதிர்க்கிறார்கள். அவர்கள் எக்காரணத்தைக் கொண்டு எதிர்க்கிறார்களோ அதே காரணத்திற்காகத் தான் நான் ஆதரிக்கிறேன். ஏன் என்ற கேள்வி முன் வைக்கப்படலாம்?

கோடிக்கணக்கிலான மக்கள் பெருவாரியாக பேசுகிற , எழுதுகிற பிராந்திய மொழிக்குக் கல்விக்கு ஒதுக்குகிற நிதியும், மாநிலங்கள் கொடுக்கிற முக்கியத்துவம் மற்றும் பிராந்திய மொழியைப் பயன்படுத்துபவர்களைக் கொண்டே, அம்மொழிகளை பேணிக்காக்க இயலும். குறிப்பாக மாநில அரசுகள் தாய்மொழி வழிக் கொள்கைக்கு முக்கியத்துவம் கொடுத்தல், அரசு வேலை வாய்ப்பில் தாய்மொழிக் கல்வி கற்றவர்களுக்கு முக்கியத்துவம் கொடுத்தல், அரசு அலுவல் மொழி மற்றும் மொழி ஆய்வுத்துறைகளுக்கான மாநில நிதி ஒதுக்கீட்டின் கீழ் மொழி வளர்ச்சிக்கான வழிமுறையைக் கையாள்வதன் மூலம் மொழியை மேம்படுத்தச் செய்ய இயலும்.

சமசுகிருதம் உத்திரகாண்டில் கூட இரண்டாம் மொழியே ஒழிய பிரதான மொழியாக இல்லை என்பதையும் அறிந்து கொள்ளுங்கள். லத்தீன் மொழி பயன்பாட்டாளர்கள் இன்று யார் உள்ளார்கள்? ஆனால் அதைப் பொக்கிஷமாகப் பாதுக்காக்க அவர்கள் தொடர் முயற்சியைச் செய்து கொண்டிருக்கிறார்கள் என்பதையும் அறிந்து கொள்வோம். மேலும் சமசுகிருத்ததிற்கு முக்கியத்துவம் கொடுப்பதை நீங்கள் எதிர்க்கக் குறிப்பிடும் முக்கியமான காரணமாகிய எவனும் பேசாத, எழுதாத மொழிக்கு மத்திய அரசு முக்கியத்துவம் கொடுத்து இந்து சமயத்தின் நூல்களையும் , அதில் சொல்லப்பட்டுள்ள தத்துவார்த்த விடயங்களையும், வானியல், அறிவியல், கணிதம் சம்பந்தப்பட்ட விபரங்களைப் பேணிப் பாதுகாக்கா விடில் நம்முடைய அடிப்படையை இழந்து விடுவோம் என்பதைக் கூடப் புரிந்து கொள்ளாமல் கண்ணை மூடிக் கொண்டு எதிர்ப்பது எவ்வாறு? மத்திய அரசு அதைச் செய்யாவிட்டால் யார்தான் அதைச் செய்வார்கள்?. சிந்தியுங்கள் நண்பர்களே. இந்து சமயத்தின் வளர்ச்சியில் அக்கறை உள்ளவர்கள் இதை ஆதரிக்க வேண்டும்.

 

 

இந்தியைப் பள்ளிகளில் கட்டாயமாகக் கொண்டு வர வேண்டுமா?

This gallery contains 1 photo.

    நண்பர் Vaa Manikandan அவர்கள் ஹிந்தியை அரசியல் ரீதியாகப் பள்ளிகளில் படிக்க விடாமல் இருந்ததற்குப் பதிலாக அதை ஒரு பாடமாக வைப்பதால் தமிழ் அழியாது, மாறாக ஹிந்தியும் ஒரு கருவியாகப் படிப்பது தான் , பிற மாநிலங்களில் வேலைக்குச் செல்லும் போது அது எளிதாக இருக்குமென்று சொல்வதைப் புரிந்து கொள்ள முடிகிறது. அதனால் நாம் எதையும் இழந்து விட்டதாக எனக்குத் தோன்றவில்லை. ஏனெனில் நானும் servicing field ல் தான் பல வருடங்களாகப் பணி புரிந்து வருகிறேன். … Continue reading

ஆம் ஆத்மியின் கிராம சபை திட்டம் செயல்படுத்தக்கூடியதா?

This gallery contains 2 photos.

என்னுடைய கட்டுரை தமிழ் ஹிந்து இணைய இதழில் வெளிவர உதவிய நண்பர் திரு ஜடாயு அவர்களுக்கும், ஆசிரியர் குழுவிற்கும் எனது நன்றிகள்.   ஆம் ஆத்மியை ஆதரிப்பவர்கள் அதை ஆதரிப்பதற்கு முன் வைக்கும் முதன்மையான மூன்று காரணங்கள் இவைதான். 1.       ஆம் ஆத்மி ஊழலை ஒழிக்கப் பாடுபடுகிறது. 2.       ஆம் ஆத்மி அதிகாரப் பகிர்வு குறித்து பேசுகிறது. 3.       ஆம் ஆத்மி மக்கள் பங்களிப்புடன் கூடிய ஜனநாயகம் பற்றி பேசுகிறது. கிராம சபை, மொகல்லா சபை ஆகியவற்றைக் … Continue reading

இஸ்லாமிய நாடுகளின் BLOOD MONEY சட்டமும் சர்ச்சைகளும்

சவுதி அரேபியாவில் ஒருவர் இன்னொருவரின் தவறால், உதாரணமாக சாலை விபத்துகள் மூலம் இறக்க நேர்ந்தால் , தவறை இழைத்த குற்றவாளி பாதிப்புக்கு உள்ளானவர்களின் குடும்பத்திற்கு ஈடு செய்ய வேண்டிய தொகையே ” Blood Money ” என்றழைக்கப்படுகிறது. Diya என அரபில் சொல்கிறார்கள். இது பாதிப்புக்கு உள்ளானவர் என்ன மதத்தைச் சார்ந்தவர் என்பதற்கு ஏற்றாற் போல இழப்பீடு (componsation) வழங்கப்படும். மேலும் எந்த அளவுக்கு குற்றம் செய்தவரின் பங்கு மற்றும் பாதிப்புக்குள்ளானவரின் தவறைப் பொறுத்து இழப்பீட்டுத் தொகை … Continue reading

முஸ்லிம் நாடுகள் உலக அதிகாரத்தைப் பிடிக்க இயலுமா?

This gallery contains 2 photos.

21 ஆம் நூற்றாண்டை உலகில் எந்தெந்த நாடுகள் ஆளும் வல்லமைக்குரியன? குறிப்பாக அமெரிக்காவை வெல்லும் சக்திக்குரிய நாடுகளாக அமெரிக்கா பார்க்கும் நாடுகள் எவை? அவை அந்தத் தகுதியை அடைய வேண்டுமானால் அவற்றுக்கான காரணிகள் என்னவாக இருக்க வேண்டும்?  சீனா, ரஷ்யா, ஐரோப்பிய நாடுகள், வட அமெரிக்க நாடுகள் மற்றும் முஸ்லிம் நாடுகள் எந்த நிலைமையில் இருக்கலாம்? இதில் முஸ்லிம் நாடுகளின் நிலைமையையும், அமெரிக்காவிற்கு சவால் விடுகிற அளவுக்கு எந்த நாடு உள்ளது என்பதையும், போரென வந்தால் யாருக்கு … Continue reading

சாதியால் சமூக பலன்களே இல்லையா?

This gallery contains 1 photo.

சாதியால் சமூக பலன்கள் உண்டா? இட ஒதுக்கீடு அவசியமா? சாதியை ஒழிக்கப் புறப்பட்டிருக்கும் சமூக  முற்போக்குவாதிகளின்  நிலைப்பாட்டோடு என்னுடைய நிலையையும் முன் வைக்கிறேன். எதில் உண்மையுள்ளது? எது சரி என்பதை உங்கள் பார்வைக்கே விட்டு விடுகிறேன். இட ஒதுக்கீடு அவசியம் என்பதில் எந்த மாற்றுக் கருத்தும் இல்லை. இட ஒதுக்கீட்டின் மூலம்தான், சமூக, பொருளாதார அடிப்படையில், சமூகத்தில் பின் தங்கியுள்ளவர்களை முன்னேற்றச் செய்ய இயலும். நிச்சயமாக, அம்பேத்கார் கொண்டு வந்த சட்டத்தின் மூலமாகவே, அதை ஓரளவுக்கு சமன்படுத்த … Continue reading