காங்கிரஸ் ஏன் RSS ஐத் தடை செய்யவில்லை?

இரு தினங்களுக்கு முன்பாக நண்பர்கள் இணைந்து அரசியல் பேசிக் கொண்டிருந்த போது குழுவில் ஒரு இஸ்லாமிய நண்பரும் இருந்தார். அப்போது ஒரு நண்பர் பாஜக ஆட்சியில் RSS போன்ற இந்து அமைப்புகள் தங்கள் இஷ்டத்திற்கு அதிகமாகப் பேசுகிறார்கள் என்று சொன்னபோது, இதை எங்களுடன் இருந்த இஸ்லாமிய நண்பர் மறுத்தார் என்பதுதான் ஆச்சர்யமான உண்மை.

அவர் சில கேள்விகளை கேள்வி எழுப்பிய இந்து நண்பரிடம் தொடுத்தார். அவர் பேசியதன் சாராம்சம் இதுதான்.

1. RSS தலைவர் மோகன் பகவத் இந்தியா இந்து ராஷ்டிரா என்ற கருத்தை ஏதோ இன்று பேசுவது போல சொல்வதைக் காட்டிலும் அபத்தம் வேறேதுமில்லை.

2. கடந்த காங்கிரஸ் ஆட்சியில் அவர் பங்கெடுத்தக் கூட்டங்களில், விழாக்களில் இன்னொரு ஆட்சி இருக்கிறது என்பதற்காகத் தமது கொள்கையை எங்கும் மாற்றிப் பேசி இருப்பாரா? அப்போதும் அவர் இந்தியாவை இந்து ராஷ்டிரம் என்று சொல்வதே பெருமை என்று பேசினார், பேசி இருப்பார். RSS ஒருபோதும் தமது பார்வையை ஆட்சிகளுக்குப் பயந்து மாற்றிக் கொண்டுள்ளது என்பதை எவரும் நம்பப்போவதில்லை.

3. கடந்த UPA ஆட்சியில் கம்யுனிஸ்ட் கூட முதல் ஐந்து வருடங்களுக்குக் கூட்டணியில் இருந்தது. அவர்கள் ஏன் RSS என்ற அமைப்பை இந்திய மக்களை மத அடிப்படையில் பெரும்பான்மை பலத்தைக் காட்டி நாட்டில் பிளவை உண்டு பண்ணுகிறது என்று சொல்லி நாடு முழுவதும் RSS ஐ தடை செய்து மதச்சார்பின்மையை நிருபித்திருக்கலாமே! போலி மதச்சார்பின்மையைப் பேசுபவனுக்கும், போலி சமத்துவம் பேசுகிற கட்சிகளும் செய்கிற ஏமாற்று வேலைக்கு சின்ன உதாரணம், விடுதலைப் புலிகள் அமைப்பிற்கு மட்டும் இதே காங்கிரஸ் ஆட்சி தடை நீடித்ததே அது ஏன்?

4. காங்கிரஸ் அரசு மட்டும் ஊழல் செய்யவில்லை. இந்தியாவையே ஒரு corrupt country ஆக ஆக்கி வைத்திருந்தது. அதனால்தான் வரலாறு காணாத தோல்வியை பாராளுமன்றத் தேர்தலில் பெற்றது. பாஜகவின் மோடி அரசு ஊழல் வழக்குகளில் சிக்காமல் தேச வளர்ச்சியை உறுதி செய்தாலே போதும். ஏனெனில் என்னைப் பொறுத்தவரையில் இஸ்லாமியர்கள் தமக்கான இட ஒதுக்கீட்டையோ மற்ற சலுகைகளையோ பாஜக பிடுங்கி விடும் என நான் நம்பப் போவதில்லை. பாஜக இதுவரை மிகத் தெளிவாகவே நிலக்கரி ஏலம் என அனைத்திலும் முடிந்தவரை transparency செயல்படுகிறது.

5. ஆங்காங்கே மத அடிப்படையிலான குரல்கள் எழுவது இந்தியாவிற்கு ஒன்றும் புதிதல்ல. ஆகவே இந்து குரல்கள் இன்று தான் ஆடுகிறது என்பது ஊடகங்களால் பெரிது படுத்திப் பேச உதவுகிற அருமையான சமாச்சாரம் என்பதால் தான் ஏதோ, இப்போதுதான் மோகன் பகவத் இந்தியா இந்து ராஷ்டிரம் என்ற குரலில் பேசுவது போல சொல்வதைக் காட்டிலும் அபத்தம் வேறெதுவும் இருக்க முடியாது என்றார் அந்த முஸ்லிம் நண்பர்.

நரேந்திர மோடி

This gallery contains 1 photo.

நரேந்திர மோடி: எதிர்காலத்தில் உனை பேசாப் பொருளாய் மாற்றும் முயற்சிகளில் – இன்று நீ பேசும் பொருளாகி விட்டாய்.   மதம் உனக்குப் பிடித்ததாகக் கூறி உன் மீது சிலருக்கு “மதம்” பிடித்திருக்கிறது. நி(த்)தம் தோறும் உனைப் பற்றிய செய்திகள்தான்… ஆங்கில ஊடகங்களின் வெற்றுப் பூதாகரம் தானாம் நீ. குஜராத் நினைக்கிற அளவுக்கு முன்னேறவில்லை என ஒப்பிட மட்டும் ஆங்கில பத்திரிக்கைகள் அவர்களுக்குத் தேவைப் படுகின்றன என்பதை அறியிலார்… அறிவிலார். இனப் படுகொலைகள் உனதாட்சியில் மட்டுமே நடந்தேறியதாக … Continue reading